Беларуская пісьменніца на дзень стала настаўніцай роднай мовы для маленькіх случчан

Незвычайны адкрыты ўрок прайшоў у сярэдняй школе №10. Новыя веды па беларускай мове дзецям выкладала беларуская пісьменніца-казачніца Алена Масла. Такія няпростыя заняткі прайшлі ў рамках «Чытаем па-беларуску з Velcom».

Слуцк стаў адным з першых гарадоў у Мінскай вобласці, куды прыехала творчая каманда. На заняткі запрасілі малодшых вучняў са школ №8, 10, 13. Інтэрактыўны ўрок з гульнямі і конкурсамі прыйшоўся даспадобы дзецям. Пісьменніца Алена Масла пазнаёміла школьнікаў са сваёй творчасцю, расказала пра казачных героеў, што жывуць у прыдуманым ёю свеце.

Пасля Слуцка незвычайныя настаўнікі адправяцца і ў іншыя гарады краіны. Варта адзначыць, што праект «Чытаем па-беларуску з Velcom» праходзіць з 2015 года пры падтрымцы Міністэрства адукацыі і Упраўлення адукацыі Мінаблвыканкама. Галоўная мэта акцыі – папулярызаваць родную мову і літаратуру сярод дзяцей і падлеткаў. Сёлета да ініцыятывы далучылася каля 20 000 школьнікаў.

Slutsk-Gorod.by
Фото: Velcome