У мінскай кватэры знайшлі труп жанчыны, які праляжаў некалькі гадоў. Увесь гэты час у кватэры гарэў газ і цякла вада, паведамляе Наша Ніва са спасылкай на свайго чытача.
Вельмі дзіўная гісторыя адбылася ў доме 125 па вуліцы Пляханава ў Мінску. У адной з кватэр знайшлі цела 52-гадовай жанчыны.
Труп праляжаў больш за 2 гады. Увесь гэты час, сцвярджаюць жыхары дома, у кватэры нябожчыцы гарэла газавая канфорка і цякла вада з крана.
Сваю суседку Таццяну Яўменчык жыхары дома перасталі заўважаць яшчэ ў 2017 годзе. Але не надта здзівіліся — жанчына, кажуць, і так была не надта камунікабельная.
«У той кватэры жыла жанчына з дарослымі дачкамі. Малодшая дачка — якраз тая Таццяна.
Маці памерла, пасля у 2015 годзе памерла старэйшая сястра. Таццяна засталася адна. Яна нідзе не працавала, але не піла.
Вяла вельмі замкнёны лад жыцця, не размаўляла з суседзямі. Увогуле, і Таццяна, і яе сястра нібыта баяліся людзей, не размаўлялі з імі, амаль збягалі, калі сустракалі суседзяў, — расказвае суседка Таццяны.
«Дзяцей не было ні ў Таццяны, ні ў яе сястры. Жылі зусім адны. Незразумела нават, ці камунікавалі сёстры паміж сабою. Калі ў 2015 памерла старэйшая сястра, Таццяна не адразу гэта заўважыла: яны жылі ў розных пакоях і ці то не размаўлялі нават адна з адной, ці былі пасварыліся? Карацей, пасля Таццяна знайшла сястру мёртвай і выклікала міліцыю.
Дакладна, канечне, нам нічога не вядома, але падобна было, што Таццяна мела нейкія псіхічныя праблемы. Яна ніколі нідзе не працавала. За што жыла, што ела — ніхто не ведае. Нярэдка бачылі, як яна лазіла па сметніцах».
Суседзі насцярожыліся пазней — калі пабачылі, што ў паштовай скрыні Таццяны копяцца жыроўкі.
«ЖЭС ніяк не рэагаваў, проста прыносілі новыя і новыя жыроўкі, пхалі туды. Мы не ведалі, што адбываецца. Кажуць, адна з суседак адчувала, што штосьці не так і нават звярталася да ўчастковага, але той яе адшыў. Але ці праўда гэта, ці чуткі — я не ведаю», — кажа адна з жыхарак дома.
Лёс Таццяны Яўменчык стаў вядомы толькі ў сярэдзіне лютага. Пажылая жанчына, якая жыве ў кватэры знізу, заўважыла, што ў яе нешта капае са столі.
«Уначы пабегла вада. Я паднялася, ніхто не адкрыў. Пагаварыла з іншымі суседзямі, яны распавялі, што ў той кватэры даўно не відаць гаспадыні. Ну я і пазваніла рамонтнікам: кажу едзьце, рабіце штосьці, мая кватэра на вялікую суму застрахаваная! Яны прыехалі і ўскрылі кватэру. Міліцыя была, іншыя службы — агулам чалавек з 20», — кажа суседка.
Таццяну знайшлі мёртвай на кухні — яна ляжала на падлозе. Цела зусім высахла: у хаце было цёпла, форткі закрытыя. Але галоўнае, што ўвесь гэты час — год? два? тры? — на пліце гарэў газ, а з крана цякла вада, сцвярджаюць суседзі.
«Як мы не ўзарваліся, бог яго ведае. Але пасля адразу па пад’ездзе пабеглі газавікі, правяралі штосьці ва ўсіх кватэрах», — кажа суседка.
Ад чаго памерла Таццяна, суседзі не ведаюць.
«Можа, з голаду і памерла, у выніку. Каб мела зносіны з суседзямі, то яе б пакармілі, канечне. Але…
Але хадзілі чуткі, што Таццяна ці то ляжыць у Навінках на лячэнні, ці то ўступіла ў нейкую секту і там і знікла», — расказвае іншая суседка.
Але галоўная прэтэнзія ў жыхароў дома да ЖЭСа. Чаму не звярталі ўвагі, што ніхто не аплачвае жыроўкі? Калі газ сапраўды гарэў, то чаму не звярнулі ўвагу на тое, што святло ў хаце даўно адключылі за нясплату, а газам і вадой працягваюць карыстацца ўвесь гэты час?
У ЖЭУ-2 пакуль не пракаментавалі выпадак.
NN.by
Каждый сезон специалисты природоохранной службы фиксируют факты незаконной заготовки сока. Любителей бесплатной наживы не пугают ни штрафы, ни ответственность.
В Слуцке назначен новый директор водоканала
Директором КУП «Слуцковоканал» назначен Горбунов Василий Васильевич. Об этом сообщается в Telegram-канале предприятия.
Подростку из Слуцка открыт сбор средств на дорогостоящий откашливатель
17-летний случчанин страдает редким генетическим заболеванием, на фоне которого у парня плохо функционируют сердце и органы дыхания. Открыт сбор средств на покупку медоборудования и лечение.
Узнали в каких населенных пунктах Слуцкого района проведут прием нотариусы во 2 квартале
График выездов в агрогородки и иные населенные пункты, не относящиеся к категории агрогородков, в которых находятся местный Совет и исполнительный и распорядительный орган, во 2 квартале 2025 года
В Слуцке сгорел склад с 20 тоннами гороха
30 марта в 04-09 в службу спасения поступило сообщение о пожаре в одноэтажном кирпичном складском здании (20х30 м) в г. Слуцке Минской области по ул. Гагарина.