Вучаць не толькі ў школе, але і ў цэнтры бяспекі таксама

Прыярытэтным напрамкам сярод прафілактычнай дзейнасці для ратавальнікаў з'яўляецца работа с дзецьмі. Асаблівую папулярнасць атрымалі экскурсіі ў пажарныя аварыйна-выратавальныя часткі.

У рамках прафілактычнай акцыі «Вакацыі без дыму і агню" гасцямі ратавальнікаў сталі хлопчыкі і дзяўчынкі са школьнага лагера ДУА “Гольчыцкая сярэдняя школа” і ДУА “Замосцкая сярэдняя школа”. Зносіны з людзьмі адважнай прафесіі заўсёды выклікаюць ў дзяцей непадробную цікавасць і яркі настрой. Спачатку спецыяліст сектара прапаганды і ўзаемадзеяння з грамадскасцю Слуцкага РАНС Марына Леснікава нагадала правілы бяспекі, алгарытм правільных і бяспечных паводзін пры ўзнікненні першасных прычын пажару, куды тэлефанаваць і як сябе паводзіць ва ўмовах надзвычайнай сітуацыі. У кабінеце міні-цэнтра бяспекі работнік МНС паказала на практыцы, што можа паслужыць прычынай пажару і што неабходна рабіць, каб не стаць ахвярай агню. У пакоі цэнтра бяспекі юным выратавальнікам неабходна было знайсці няспраўнасці пячнога абсталявання, а таксама парушэнні правілаў бяспекі пры выкарыстанні электраабсталявання.

Далей начальнік варты трэцяй змены ПАВЧ №2 г. Слуцк Аляксандр Паўлюкевіч распавёў дзецям аб працы выратавальнікаў, дзякуючы якім якасцям можна прыйсці ў гэтую гераічную прафесію, а таксама пра выпадкі з асабістага вопыту. Далей хлопчыкам і дзяўчынкам прадэманстравалі тэхніку, абсталяванне, розныя прылады, якія неабходны для работы. Цікаваліся дзеці ў асноўным пажарнымі машынамі, бо некаторыя так блізка бачылі іх першы раз. Кожны змог зрабіць фота на памяць за рулём аўтацыстэрны і задаць цікавыя пытанні.

Вялікая ўзнагарода для ратавальнікаў чуць словы падзякі ад педагогаў і абдыманкі ад дзетак.