3 студзеня ў вёсцы Леніна ў Слуцкім раёне знайшлі труп 34-гадовага мужчыны. У забойстве вінавацяць раўнівага мужа яго каханкі, паведамляе NN.
«Паводле папярэдніх звестак, 39-гадовы мужчына прыраўнаваў 34-гадовага вяскоўца да сваёй жонкі і ўдарыў нажом. Малады чалавек ад атрыманых цялесных пашкоджанняў памёр на месцы. Следчыя знайшлі і забралі нож», — паведаміў Следчы камітэт.
Вольга і Аляксандр А. жывуць у вёсцы Леніна. Шматдзетныя бацькі: 5 дзяцей. «Звычайная сям’я. Не праблемныя, не алкаголікі, на ўліках не стаяць, — характарызуюць сям’ю ў мясцовым сельвыканкаме. — Абодва працуюць у калгасе, займаюцца жывёлагадоўляй».
Аляксандр працаваў на мясцовай ферме скотнікам, Вольга — цялятніцай.
Раней у сям’і былі «пэўныя праблемы», кажуць аднавяскоўцы, але цяпер ужо гадоў пяць як усё было нармальна. Вольга не піла ўвогуле, Аляксандр мог выпіць, але алкаголікам яго не лічылі.
«Наша Ніва» пагаварыла з Вольгай. Жанчына не захацела гаварыць падрабязна, але не хавае: у яе быў раман.
«Я знайшла сваё сапраўднае каханне, — кажа Вольга. — З ім мы былі разам амаль год — сёмы месяц пайшоў».
Сапраўднае каханне Вольгі — гэта 34-гадовы Расціслаў К. Ён мясцовы жыхар, таксама працаваў на ферме скотнікам — разам з мужам Вольгі.
«Я працягвала жыць з мужам, але ён стаў мне як чужы. І цяпер я збіралася сыходзіць ад мужа і падаваць на развод. 2 студзеня я расказала пра ўсё мужу. А трэцяга адбылося надзвычайнае здарэнне…» — сцісла распавяла Вольга.
Мясцовыя жыхары расказваюць, што ўначы Расціслаў праводзіў Вольгу дадому. Аляксандр выйшаў пагаварыць. Слова за слова — завязалася бойка. Падчас яе Расціслаў атрымаў удар нажом.
Ці быў Аляксандр п’яны — невядома.
Цяпер муж Вольгі пад вартай. На яго завялі справу за забойства, мужчыну пагражае ад 6 да 15 гадоў. Расціслава К. пахаваюць 5 студзеня на мясцовых могілках.
NN
Slutsk-Gorod.by
В Слуцке разыскивается пропавшая женщина
Слуцкий РОВД устанавливает местонахождение жительницы города, пропавшую в конце октября.
Белстат опубликовал данные о средней заработной плате. Подробнее — о показателях в Слуцком районе
Средняя зарплата в Беларуси продолжает снижаться второй месяц подряд. В сентябре 2025 года, по данным Белстата, она составила 2746,4 рубля, что на 16,3 рубля меньше, чем в августе.
В Слуцке снова продают здание, где когда-то был музей, училище и консервный завод
Бывший консервный завод имеет статус материально-культурной ценности. За более чем вековую историю здание не раз меняло своё назначение — от училища до консервного цеха.
Новые правила работы почты: что теперь изменится для белорусов
В Беларуси обновили правила оказания услуг почтовой связи. Как стало известно из новостей Министерства связи и информатизации, нововведения направлены на то, чтобы сделать работу почты удобнее и современнее.
Авария на трассе «Минск — Микашевичи»: один человек госпитализирован
На трассе Р-23 в Слуцком районе столкнулись Geely и Peugeot — один водитель в больнице