Новогодние акции универмага "Слуцк"

У перадсвяточныя дні магазіны камунальнага ўнітарнага прадпрыемства «Універмаг «Слуцк» прыцягваюць вялікай колькасцю навагодніх акцый, скідак, дэгустацый і шырокім асартыментам навагодніх тавараў.


За кошт прадпрыемстваў-пастаўшчыкоў і зніжэння гандлёвых надбавак рэалізуюцца тавары са скідкамі. Гэта некаторыя віды трыкатажных і швейных вырабаў (сярэдняя скідка – ад 30 да 40 працэнтаў), абутку (да 30 працэнтаў). Праводзіцца распродаж у «Доме абутку», універмагу «Слуцк», магазіне №2 «Дом гандлю». 12 прадпрыемстваў-вытворцаў удзельнічаюць у акцыях па продажу мяккіх, пластмасавых і навагодніх цацак. На гэтыя тавары прадуглежаны скідкі ад 20 да 50 працэнтаў. На 20 працэнтаў зніжаны цэны на мікрахвалевыя печы і пыласосы айчыннай вытворчасці. Пакупнікам ювелірных вырабаў абяцае ўручыць прызы сумеснае адкрытае акцыянернае таварыства «Ювелірны завод «Зорка».

Работнікі прадпрыемства фарміруюць навагоднія падарункі, прымаюць заказы на іх выраб. Ужо выканана на заказ каля 2 тысяч такіх салодкіх пачастункаў. У продажы і 30 найменняў гатовых падарачных баулаў. У гэтым годзе павялічылі колькасць набораў цукерак з навагодняй тэматыкай – да 18 найменняў.

Пакупніка прыемна ўразіць шырокі выбар тавараў каляднай, навагодняй тэматыкі з адпаведнай сімволікай – усяго да 170 найменняў.

У пераднавагоднія дні ў будынку магазіна адбудзецца кірмаш-распродаж тавараў з удзелам казачных персанажаў.
Праходзяць акцыі і на харчовыя тавары. У снежні пройдзе 16 дэгустацый прадукцыі, якую вырабляюць прадпрыемствы Случчыны і іншыя айчынныя вытворцы. Выстаўка-продаж кулінарных вырабаў пройдзе ў кафэ «Беларускае бістро». І гэта далёка не ўсе акцыі і распродажы, прымеркаваныя да навагодніх свят. Работа спецыялістаў з пастаўшчыкамі ў гэтым кірунку працягваецца.

s-k.by